وبعدهم بيعيطولك يا حمار…
علي دياب شاهين
تعشيت برغل ونمت…
وصرت شوف كوابيس بالحلم…
شفت إني صرت إفهم عا لغة الحيوان…
وأنا مارىء ببستان ، شفت حمارين غشيانين من الضحك ، قرَّبِت لا إسمع ليش عم يضحكوا ؛ وشو عم يحكوا …….؟
قال حمار لتاني: بتصدقز!! يا حرام هَوْ العرب شي بـِ ضَحِّكْ ، لأنو إللي ما بْيِفْهَم بيقولولوا يا حمار ……
العرب لغتهم عربية، وسياستهم عبرية، سيوفهم عا بعض ، وخيراتهم لبرَّا ، عندهم كل شي في أحزاب ، وما عندهم وطن ، والله أعطاهم النفط وما عِرْفوا يشبعوا ، واكتشفوا الحرف وما عرفوا يقرأوا ، وأعطاهم مخ وما عرفوا يفكروا ، وأعطاهم الإحساس وما عرفوا يشعروا ، وأعطاهم الإرادة وما عرفوا يثبتوا عا قرار….
بنوا أوطان ودمروها ، وعمروا بيوت ونسفوها ، ومجتمعات وهجروها ، وانبعثت فيهم أديان وكفروها ، ونشروا الحرف وبقيت عقولهم جامدة وحجروها …….
مساجدهم متاريس ، وأجسادهم قنابل . وأحلامهم سراب ، وحدائقهم مدافن ، نساءهم سبايا ، وشرفهم غشاء بكارة ، وحروبهم : حرب جمل أو عنزة أو كلب ، عندهم نصف مخزون العالم سلاح وأرضهم المتحلة سلاحها حجر …..
العالم طلعت عَا القمر ، واستنسخت بشر ، وهني مختلفين بأي رِجل بيفوتوا عَا الجامع ، خلافهم قميص عليه شويت دم ، وتاريخهم داحس والغبراء ، وثقافتهم داعش والصحراء ، فنونهم القتل ، متعتهم الحرق ، هدفهم الحوريات ، هزائمهم انتصارات… وبعدهم بيعيطولك يا حمار …..
