الجمعة 21 يونيو, 2019

الطاحونة

الطاحونة

باسم عون 

1133-1

بْغَفِْــوة الوادي ،عَ حفِّـةِ المَيّـات

مطْرح مَ عَم بِتْنــوح طاحونــي،

شاخ الزمــان وْختيَروا الدِلْبات

والحِلم بعدو قَمْــح…سَلْمونــي.

وْعَ سَطْحها شو رَقْصِتِ بْنَيّـات

وْشو لَـفِّتُن  نظــرات   مجنونــي،

وْتِلعب الرّيـــح  بِشْعور جِنِّيــات…

وترقص قْلوب بالعِشق مَسْكوني.

وْطحّان يِطحن قُصص وحكايات

يِضُبّها… لْ سَهَرِ الشتي  موني :

هَيْدي   لْ  أخَدْها النهر بِعْيانات

وْبِقْيِتِ الضيعة شهر محزونـــــي،

وْهَيْدي لْ جَوزْها مْسَبَّعِ الــكارات

وِحْماتها  بِ  النَكَدْ… مَعْجونــي،

عَ  المَـصْطبـي  تَـرْكِتِ القَمْحــات

وْهَــشْلِت معِ مْـكاري، الملعونـــي…

وْبعْدها بالبـــال  بِتْلوح  خَبْريَّات

من عَصر كان بْعِنقِ الزَمن قوني

وْبَعدو الجِفـن، بْيِحلَم بْ غَفْــوات

بْفَيْ دِلْبي …عَ سَطِح طاحوني…

 

  17/8/2015

تعليقات

comments

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.