الأحد 22 مايو, 2022

شيخ بحمص..!!

شيخ بحمص..!!

علي دياب شاهين

13274984_1718763348394032_879657079_oيافا ….بنت الصديق فراس علام . لوحه مرسومه من الجمال والنعومه ، والهضامه ، وأيقونة من صنف الملائكة، ومع هيدا كلو إمّها مش معلقتلها خرزة زرقا ترد عنها صيبة العين …..

مش هون القصه : أنا وقت كنت بعمرها ، ما كانت معالم شكلي الجغرافيه كتير واضحه ، وحتى ولا وحدة حِبْلى كانت تتمنى تتوحم عا شكلي ، ولوني جاي أسمر غامق ، مايل عا أزرق ، وكان رقمي بشجرة العيله رقم سبعه ، من أصل تسعة ….. يعني ما كتير مهم إذا زاد أو نقص خاروف من القطيع ..

ورغم هيدا كلو ، إمّي كانت معلقتلي خرزة زرقا عا المريول ، وكف العباس عا البلوزة ، والحصن الحصين عا البروتيل ، وحجاب بِمُغَيْطة عا إيدي اليمين ، وشريطة خضرا عا إيدي الشمال ، وكانت كل ما تزور الأولياء الصالحين ، تربطني متل المعزاية (من الماعز) بالمرقد الشريف ، وكل هيدا عشان صيبة العين …..

وقت كبرت ، ما ضل معي من كل ها الحراس ، إلاّ الحجاب الأسود المربوط بمغيطة ، كانت تقول إمّي إنو شيخ بحمص مرفوع عنه الغطاء ، كتبلي ياه وقت كنت مريض بجدري المي ……

ومن شي كم يوم وأنا راجع من السفر ، أجبروني جمارك المطار على فتحو وتفتيشو، …… طلع مكتوب عليه على كرتونه علبة دخان حمرا طويل : بيعيش ولاّ ستين عمرو ما عاش ..!!!

تعليقات

comments

مقالات ذات صله

الرد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.